2008年1月17日(Thursday)  好冷凍

尋晚凌晨12點過後已先後收到幾個sms, 好多謝 Mei Mei、車仔、珍妮、心心、青苗、寶珊、Ellie、Kitty & 星星 ( 排名以收到sms先後為準 ) 你地仲記得貧僧生日, 原來仲有咁多人咁關心貧僧。不過, 貧僧實在慚愧, 貧僧可不記得某幾位施主的生日。Sorry呀﹗如果你睇緊呢個blog, 麻煩你cm留低你生日日期丫, 我保證下次會記得 ( background music:下次下次 )。

丫~~~仲有呀, 雖然無收到呢個人o既sms, 但係唔可以唔多謝佢, 因為佢過去兩年都專登返YCMC送禮物俾貧僧, 而貧僧仲欠佢2份生日禮物 ( 到19號就欠3份了, 貧僧無記錯的話, 佢應該係19號生日的 ), 呢個人就係鄧慧芯喇 ( 佢P.4的時候, 貧僧係佢classteahcer ), 對唔住呀﹗( 都唔知幾時先"的"起心肝去買禮物 )

仲有4個人不可不提, 就係阿妹( 貧僧最疼o既學生之一, 貧僧無教過佢, 可能因為佢太聰明可愛, so同佢玩下玩下就熟o左 )、玉女( 靚女得黎唔臭串, 起碼對我係咁啦 )、珍妮( 成日唔出聲, 其實幾nice嫁 )、婷( 都幾靚女,但係唔係好識表達自己 ), 佢地晚上9:06打過俾貧僧, 不過貧僧無接聽 ( 唔好怪貧僧啦, 貧僧真係有d自閉 ), 不過明o架喇, 都係講o個幾句o架啦, 多謝晒﹗。遲d啦, 等我無咁窮, 我會搵你地o架﹗

2008年1月5日(Saturday)  冬日陽光特別暖和

貧僧今日無無聊聊咁出左MK行, 信和=>潮流特區=>兆萬=>廣華街=>金魚街。 多左好多出租透明膠箱俾人寄賣物品o既舖頭, 每間呢d舖頭都有數十至百多格透明膠箱, 放滿了形形式式o既精品、玩具&收藏品, 實在令人目不暇接。廣華街d槍舖開到成行成市, 我都好耐無行過了, 有d心郁郁, 想買枝黎玩下tim。去金魚街唔係睇金魚, 都無o靚妹仔上釣, 睇乜鬼金魚, 去o個度d寵物店睇下d寵物玩具咋, 買左件玩具俾毛毛, 希望毛毛鍾意啦﹗毛毛, 你要聽爸爸(TT)話呀﹗(唔係主人唔買玩具俾你o架﹗)